(8-10 Октомври 2008 год. Охрид, Р.Македонија)

Почитувани,

Ве известуваме дека во рамки на техничката соработка помеѓу Република Македонија  и  Меѓународната Агенција за Атомска Енергија (МААЕ) со седиште во Виена, од 8-10 Октомври 2008 година во Охрид, се одржa „Субрегионален тренинг курс за радијациона сигурност за царински службеници“. Нa курсот земаa учество преставници од царинските управи и од надлежните органи за радијациона заштита и сигурност, како од Република Македонија, така и од следниве земји: Словачка, Литванија, Бугарија, Словенија, Хрватска, Албанија, Босна и Херцеговина, Србија и Црна Гора. 

Курсот беше во организација на Меѓународната Агенција за Атомска Енергија (МААЕ) и Владата на Република Македонија преку Дирекцијата за радијациона сигурност.

Целта на Курсот беше практична обука за контрола над изворите на јонизирачко зрачење и преглед на улогата на Царинската Управа во контролата на увозот и извозот на овие извори.

Оваа обука е плод на активната соработка на Дирекцијата за радијациона сигурност, како надлежен орган за вршење на управните и стручните работи од областа на заштитата од јонизирачкото зрачење и радијациона сигурност во Република Македонија со Меѓународната Агенција за Атомска Енергија.