Во периодот од 13 до 24 Април 2026 година, во седиштето на Меѓународната агенција за атомска енергија (МААЕ) во Виена, Австрија се одржува 10-от состанок на договорните страни на Конвенцијата за нуклеарна безбедност.
Република Северна Македонија на состанокот ja претставуваше делегација од Дирекцијата за радијациона сигурност, предводена од директорот Дејан Богојевски и претставник од Постојаната мисија на Република Северна Македонија при меѓународните организации, со седиште во Виена.
Македонската делегација ја презентираше националната презентација на 16 април 2026 година и во рамките на истата беа претставени: основни информации за националната програма во државата (законска и регулаторна рамка, регулаторно тело, радијациона заштита, подготвеност за радијациони вонредни настани); превземени активности во изминатиот период во насока на исполнување на предизвиците и препораките од предходно одржаниот заеднички 8-ми и 9-ти состанок за преглед на конвенцијата; ажурирањата на националниот извештај, како и тековните и идните предизвици со кои се соочува Дирекцијата за радијациона сигурност.
Како еден од клучните приоритети во наредниот период се издвојува потребата од дополнително зајакнување на човечките и финансиските ресурси на Дирекцијата со цел доследно исполнување на националните и меѓународните обврски.
