На 18 Септември 2018 година во организација на Американската амбасада во Република Македонија во соработка со Црвениот крст на Република Македонија беше организирана крводарителска  акција.

ЈАВЕН ПОВИК ЗА ИЗБОР НА ПРАВНО ЛИЦЕ

Почитувани,

Дирекцијата за радијациона сигурност на Република Македонија, врз основа на член 42 став 3 од Законот за користење и располагање со ствари во државна сопственост и со ствари во општинска сопственост („Службен весник на Република Македонија“ бр.78/15, 106/15 и 53/15) и Одлуката за давање на согласност за спроведување на постапка за избор на правно лице кое врши дејност или поседува дозвола за собирање и/или транспортирање на отпад на Владата на Република Македонија („Службен весник на Република Македонија“бр.157/18), објавува јавен повик за избор на правни лица кои вршат дејност или поседуваат дозвола за собирање и/или транспортирање на отпад, за движните ствари кои поради нивната дотраеност, неупотребливост или технолошка застареност не се користат од страна на Дирекцијата за радијациона сигурност.

На ден 12 јули 2018 година, директорот на Дирекцијата за радијациона сигурност г-дин Светислав Ѓорѓевиќ беше во работна посета на Агенцијата за заштита од јонизирачко зрачење и нуклеарна сигурност на Република Србија.

На 4 и 5 јули 2018 година, во просториите за обука за радијациона заштита и сигурност на Дирекцијата за радијациона сигурност, се одржаа семинари од предавачи од Универзитетот во Лиеж – Белгија и Институтот за радиоелементи во Флеурус – Белгија, на тема „Управување со радиоактивен отпад во нуклеарна медицина и терапија со радиоактивен јод“ и „Мониторинг на отпаден метал“. Семинарите се организираа од страна на Дирекцијата за радијациона сигурност во рамки на билатералната соработка на Република Македонија и Кралството Белгија и истите се финансирани од Министерството за економија на Кралството Белгија.

На ден 06.06.2018 година Дирекцијата за радијациона сигурност прими донација од  Амбасадата на Соединетите Американски Држави во Република  Македонија преку Програмата за контрола на извозот и граничната безбедност (EXBS),  која се состои од лаптоп комјутери и систем за озвучување.

Во 6 јуни 2018 година во просториите на Дирекцијата за радијациона сигурност се потпиша Меморандум за разбирање помеѓу  Дирекцијата за радијациона сигурност на Република Македонија и Агенцијата за радијациона заштита и нуклеарна сигурност на Република Косово за соработка во полето на радијационата заштита и нуклеарна безбедност. Меморандумот беше потпишан помеѓу директорот на  Дирекцијата за радијациона сигурност на Република Македонија г-дин Светислав Ѓорѓевиќ и директорот на Агенцијата за радијациона заштита и нуклеарна сигурност на Република Косово г-дин Беќир Мезелџиу (Beqir Mezelxhiu), во присуство на претставници од Амбасадaта на САД во Република Македонија г-дин Џорџ Кларк  (George Clarke)  и г-ѓа Фросина Ивановска.