На 15 март 2018 година, претставници од Дирекцијата за радијациона сигурност, учествуваа во емисијата 24 анализа, во живо со Менче Точи, на телевизијата 24 вести.
Тема на дискусијата беше  прашањето околу радиоктивниот извор Co-60 на ЈЗУ Универзитетска клиника за радиотерапија и онкологија и можностите за негово извезување од државата. Беа опфатени и теми за радиоактивниот отпад во Македонија, времените складишта како и потребата од воспоставување на национален склад за радиоактивен отпад.

http://24vesti.mk/24-analiza-ima-li-opasnost-od-radijacija-kako-i-koga-kje-se-iznese-od-drzhavata

На следниот линк можете на најдете корисни информации за осирамошен ураниум, неговата употреба, сличности и разлики од природниот ураниум како и линкови за повеќе информации.

Oсиромашен ураниум

На 03 април 2018 година, на граничниот премин Табановце, се одржа вежба организирана од Дирекцијата за радијациона сигурност, во соработка со Граничната полиција и Царинската управа на РМ и Националниот координативен центар за гранично управување, а подржана од амбасадата на САД во РМ. Целта на вежбата беше да се тестираат стандардните оперативни процедури опишани во Упатството за постапување при детектирање на зголемено ниво на јонизирачко зрачење на граничните премини во Република Македонија, (бр.14-264/4, од 08.11.2016).

Дирекцијата за радијациона сигурност од 2015 година учествува во спроведувањето на ИПА проектот „Понатамошно зајакнување на техничкиот капацитет на нуклеарните регулаторни тела во Албанија, Босна и Херцеговина, Македонија, Црна Гора и Србија, како и Косово“ кој започна на 01 јули 2015 година кој е предвидено да трае 36 месеци, односно да заврши во 2018 година.

Почитувани,

на следниот линк можете да најдете корисни информации поврзани со јонизирачкото зрачење, изворите на јонизирачко зрачење, заштитни материјали коишто се користат, основните принципи за радијациона заштита, биолошките ефекти на јонизирачкото зрачење, примената на изворите на јонизирачко зрачење и споредбата на ризици.

Jонизирачкото зрачење: Краток вовед

Во февруари 2018 година делегација на Дирекцијата за радијациона сигурност, предводена од директорот г-дин Светислав Ѓорѓевиќ, учествуваше во работна посета на Министерството за одржлив развој и туризам на Црна Гора и Агенцијата за заштита на природата и животната средина, којашто е регулаторното тело во Црна Гора од областа на заштита од јонизирачко зрачење и радијациона сигурност.